Broă do nàng kờñ chồl tơnguh lơh broă bal tơl làm bơh broă tiah tam, lơh gơlik tus logistics mờ tăc sầu riêng. Mờ rơlao 44 rơbô lồ mờ khà lơh gơlik kờp dŭ geh 500 rơbô tấn tàm nam 2026 do, càr Dăk Lăk geh bơta ƀuơn dờng ngan bè kàl pik tơnhàu jŏ jòng bơh nhai 8 tus nhai 10.

Ala mat ală mpồl lơh sa kă bro lơgar Lo đơs sùm jơnau kờñ sầu riêng ris, pồ kơmhò lơh mrềt mờ broă tăc tàm internet ngai sơlơ gơguh uă. Ồng Lê Anh Trung, Chủ tịch Tơrgùm ală mpồl  sầu riêng càr Dăk Lăk kơp kơnờm, 2 gah ờ mìng ơm wơl tàm broă blơi jăt kàl mờ rơp rề ơnàng bal ală mpồl lơh phan bơh bơcri priă lơh gơlik nền nòn, ơn prăp, tam gơl sồ mờ kă bro phan điện tử kơnhăp jŏ.