Thủ tướng jờng rơ Ƀộ Ling klàng neh lơh sir jak ngan kơnòl broă nam 2025, bơtàu tơnguh lơh sa mờ măi mok sền gàr Dà lơgar, rcang phan tam lơh, phan ngui măi mok, phan bơna măi mok chài uă ai ală mpồl ling in jat gùng dà tơngai pa dê. Tàm tơngai tus, Thủ tướng Cíñ phủ sồr Ƀộ Ling klàng pơn jat tai bơsram lơh jat, lơh jat niam, geh cồng nha ală jơnau sồr bơh Đảng dê, tờm ngan là lơh jat niam ngan “2 kơ̆ nùs, 2 lơh pràn, 2 rcang lài kơryan”, “5 kơ̆”; rcang lài tam gơl pa, bơceh lơh, kơlôi sơnơng, lơh gơlik phan tam lơh gơguh jak, pa ngan, lơh geh cồng nha kơnòl broă nam 2026 dê.

Jơh gùt ling klàng tơrgùm lơh jat kơnòl broă bơt bơtàu Mpồl ling klàng kăc màng, di pal, nhăp nhar, pa ngan; lam lơh nhăp nhar, ngan ngồn, cồng nha ală broă lơh lơh broă mờ lơgar ndai sền gàr Dà lơgar; lơh jat niam gùng dà broă lơh lơh tờm is, lơh is, lơh pràn is lơh jat ală kơnòl broă lơh sa mờ măi mok sền gàr Dà lơgar, broă lơh drơng broă măi mok.