Ala măt đơng lam Đảng, Dà lơgar, Thủ tướng ồng Lê Minh Hưng neh jào sră jờng rơ “Cau khin cha jăk chài mpồl phào crong làng bol” pà Mpồl ling phào crong Ling tiah 4 in. Do là phan pà kwơ màng bơh Đảng, Dà lơgar bal mờ làng bol dê, dờp ală cồng nha jăk ngan, mờ đơs nền, rài lài do neh jào ai Ling tiah 4 in ală bơta lòng kal ke ngan.

Đơs loh, Dà lơgar gam mŭt tàm dùl gơl gùng pa geh ai jơnau kờñ, kơnòl broă pa gơwèt mờ kơnòl broă sền gàr dà lơgar, lơngăp lơngai mờ sền gàr Dà lơgar ai Ling klàng in, tàm hơ̆ geh Ling tiah 4, Thủ tướng sồr, mpồl ling klàng phào crong Ling tiah 4 tơrgùm lơh lơh jăt nền nòn nùs nhơm, bồ tơngoh kơlôi sơnơng, jơnau git wă pa bè sền gàr dà lơgar, sền gàr Dà lơgar jăt Jơnau lơh nền tàm pơrjum bơh Pơrjum dờng dơ̆ XIV Đảng dê neh ai; lơh niam broă yal lài, pơlam geh bè ală gùng dà broă lơh, lơh broă bal mờ lơgar ndai, gùng dà broă lơh, gàr kơl jăp bơta ring lơngai, kơl jăp nàng bơ̆t bơtàu, bơtàu tơnguh dà lơgar, bañ lời gơtìp ờ thàn, ni sơna tàm ală bơta gơlik geh; tơrgùm bơ̆t bơtàu mpồl ling phào crong Ling tiah 4 kăc màng, pràn kơl dang, ngăc ngar, jăk chài, lơh pa; pơn jăt tai lơh niam broă ling klàng jăt gùng dà broă lơh tơrmù di pal, niam, pràn, ndrờm bal, geh cồng nha; lơh tờm măi mok, phan lơh broă pa.