Tàm dơ̆ pơrjum, Thủ tướng ồng Phạm Minh Chính jờng rơ đơng lam ală ƀộ, gah broă lơh dà lơgar, càr, ƀòn dờng neh jơh nùs lam lơh “Broă lơh Quang Trung” mờ đơs sùm, do là nùs nhơm tài làng bol; đơs là broă lơh rơp tơn jơh niam bơnĕ, tàm hơ̆, 34 rbô 759 nơm hìu neh lơh gơs broă lơh niam wơl, làng bol neh rê wơl tàm hìu mờ ơm kis bè ờs. Gơ wèt mờ hìu lơh pa, Thủ tướng đơs là neh lơh gơs 1 rbô 46 nơm hìu, lơh geh 65,5%, do là cồng nha lơh geh dờng ngan bơh ală ƀộ, gah broă lơh dà lơgar, càr, ƀòn dờng dê. Mìng gam 2 càr là Gia Lai mờ Dăk Lăk kờñ pal lơh ngan pơnđơl lơh gơs tàm ngai 15/01 do. Thủ tướng đơs là, ală hìu neh lơh gơs pal geh đèng, dà, viễn thông, geh phan bơna, măi mok pal geh làng bol in.