Đơs sồr lơh tàm pơrjum, Thủ tướng đơs sùm bơh tŭ crơng gơs Mpồl sồr lơh, broă lam lơh ală rơndap broă lơh gùng rơndeh ồs geh bơta tam gơl niam, gàr bơta tơrgùm bal mờ cồng nha niam rlau. Thủ tướng sồr ală ƀộ, gah broă lơh, ƀòn lơgar đòm jat nùs nhơm geh kơnòl, khin sơnơng, khin lơh, tơrgùm tă bơsong bơta gơ kòl nàng bơtàu tơnguh lơh sa mờ măi mok gùng rơndeh ồs.

Gơ wèt mờ gơl gùng Lào Cai – Hà Nội – Hải Phòng, kờñ pal lơh mhar ală rơndap broă lơh dềt, lơh sir jơnau yal kơlôi sơnơng gơtùi lam lơh ngan ngồn, lam lơh broă rơndap lơh tàm tơrbŏ gùng rơndeh ồs, lơh rbàng gan tiah nhàr lơgar mờ lam lơh niam broă lơh tơm wơl, rơndap ƀòn ơm kis pa. Gơ wèt mờ gùng rơndeh lòt mhar tiah đah tô – tiah đah jum dà lơgar mờ ală gơl gùng tiah drà tàm Hà Nội, ƀòn dờng Hồ Chí Minh bal mờ 2, 3 gơl gùng tàm tơrbŏ bal ală tiah, Thủ tướng sồr bơt bơtàu broă rơndap lơh mùl màl, ai tơlik broă lơh tơnguh mhar tơngai hơ pơrgon, gàr bơta gơtùi lam lơh ngan ngồn mờ ndrờm bal.