Tàm dơ̆ lơh broă, Thủ tướng ồng Phạm Minh Chính đơs sùm, jơnau sồr bơtàu tơnguh bơh gah Niam chài, Tàp pràn să jan mờ Lòt nhơl dê là dờng ngan, ngan là pal lam lơh jat Jơnau lơh nền tàm pơrjum dờng cau ala mat gùt lơgar dơ̆ XIV bơh Đảng dê gơ rềng tus gah niam chài; lam lơh jat Jơnau lơh nền tàm pơrjum sồ 80 bơh Ƀộ Cíñ trị dê; tơngume lơh broă lơh jat Jơnau lơh nền tàm pơrjum sồ 80; lam lơh broă lơh jơnau kờñ dà lơgar bè niam chài, bơt bơtàu ală jơnau lơh nền bơtàu tơnguh lơh sa mờ măi mok niam chài, lơh prài bồ tơngoh. 

Thủ tướng sồr Ƀộ Niam chài, Tàp pràn să jan mờ Lòt nhơl kờp sền wơl ală gùng dà, broă lơh, bơta dong kờl tàm Jơnau lơh nền tàm pơrjum dờng dơ̆ XIV bơh Đảng dê, Jơnau lơh nền tàm pơrjum sồ 80 bơh Ƀộ Cíñ trị dê, tơrgùm jơh ală bơta gơ kòl tàm mùl màl bơh gah niam chài dê nàng tơmut tàm Jơnau lơh nền tàm pơrjum bơh Quôk hội dê.