Tàm dơ̆ tìp măt cau tĕ khà, Thủ tướng jờng rơ ƀòn dờng Cần Thơ bal mờ ală ƀộ, gah lơh broă dà lơgar, anih lơh broă neh lơh nền nòn ală jơnau sồr bơh Thủ tướng dê pơgăp mờ do rơlao 2 nhai (tŭ Thủ tướng lòt tìp mờ cau tĕ khà tàm ƀòn dờng Cần Thơ lài mờ pơrjum dơ̆ 10, Quốk hội khoă XV) dê bè broă lơh gơs ală sră nggal gơrềng tus mờ Rơndăp broă bơcri priă lơh Hìu sơnơm Ung bướu Cần Thơ pa, tam gơl bơh priă càn ODA dê tus nàng ngui priă bơcri dà lơgar; mờ lơh gơs sră nggal blơi 2 măi xạ trị ai Hìu sơnơm Ung bướu Cần Thơ tŭ do in.

Đơs nền tơngai tus tơrgùm lơh gơs gùng dà broă lơh, tam gơl gùng dà broă lơh bơh “tiah gơkòl” gơs “ƀuơn, tàm pơrlòng dà lơgar” dê nàng hòi jà geh bơta pràn tàm lơgar mờ lơgar bơdìh, Thủ tướng đơs là, jơh gùt mpồl lơh broă cíñ trị ƀòn dờng, làng bol, mpồl lơh sa kă bro pal tus bal, ai geh bơta pràn tơrgùm bal tài bơta “Pràn bơh bồ tơngoh bal mờ nùs nhơm kơlôi sơnơng, bơta pràn bơh broă tam gơl pa mờ bơceh lơh, bơta pràn bơh làng bol mờ mpồl lơh sa kă bro dê”.