Đơs tàm dơ̆ sơn đờm lam lơh, Thủ tướng ồng Phạm Minh Chính đơs nền, do là broă geh gơtha kuơmàng ngan, ai tơnggŏ broă rơndap lơh kuơmàng, bơta kơp kờñ bơtàu tơnguh kòn bơnus, nùs nhơm mờ Đảng, Dà lơgar mờ Làng bol lời ai làng bol jơi bơtiàn dồ êt nă cau mờ tiah kơh bơnơm in. 

Nàng ală rơndap broă lơh gờñ lơh gơs, ai ngui mờ lơh geh cồng nha, Thủ tướng jàu Ƀộ trưởng Ƀộ Jơi bơtiàn mờ Pin dờn jat yàng, Ƀộ trưởng Ƀộ bơto bơtê mờ bơsram, ală ƀộ, anih lơh broă geh gơ rềng, ngan là ală Kwang đơng lam Đảng, Củ tịc ală càr, ƀòn dờng đơng lam, tơrgùm sồr lơh nền nòn, di tŭ bơsong ală kal ke, bơta gơ kòl, dong kờl ală cau tờm lơh rơndap broă, mpồl lam lơh, pơlam jat sền tàm tŭ lam lơh ală rơndap broă lơh mờ bơta lơh ngan bal mờ bơta pơnđơl dờng ngan rlau jơh.