Đơs tàm dơ̆ bơyai lơh, Thủ tướng ồng Phạm Minh Chính ngoh rơngac tus bal Dơ̆ tơnkah 120 nam Ngai deh ƀồc ồng Phạm Văn Đồng – cau kộng sản kơ̆ dơn, cau bơsram jak ngan, cau lơh broă bal đềt mềr ngan bơh Củ tịc Hồ Chí Minh dờng màng dê – cau geh mpồl bơtiàn ală lơgar sền ngềr ngan mờ gơnoar là cau atbồ jak chài, nùs nhơm niam wil tơl, cau cribơyai broă mờ lơgar ndai jak ngan. 

Thủ tướng đơs nền, ƀồc ồng Phạm Văn Đồng là dùl krơh niam àng gơ crà ngan bè nùs nhơm, bồ tơngoh kac màng: Jơh nùs mờ Đảng, mờ Dà lơgar, jơh nùs mờ làng bol; khin sơnơng, khin lơh, khin kong kơnòl; tryăng tryồng, tềm pềr, dòn song, song dơpă, ring bal; sùm kơryan sa kuề sa kuà, pơhì pơhà; sùm ơn bơta kuơ bơh Dà lơgar, làng bol dê lài ngan. Thủ tướng đơs nền jơh nùs ki ngàm, tàm pơn jat mờ ngui niam ală bơta kuơ, phan lời wơl niam chài dờng màng ngan mờ ƀồc ồng Phạm Văn Đồng neh lời wơl ai tŭ do mờ tơnơ̆ do in, ai broă lơh bơt bơtàu dà lơgar Việt Nam pas pràn, gơguh jak, gơboh gơbài, kơnhăp kơ̆ cơnđuà brồ guh Củ nghĩa sàh hội.