Thủ tướng đơs sùm, Việt Nam crăp rơcang cribơyai mờng chài bè lơh tam gơl wơl, rơndap tap sèng wơl mpồl lơh sa kă bro dà lơgar, yal tơnggit ală sră nggal adat boh lam mờ broă rơndap lơh atbồ, kung bè ală broă lơh hòi jà priă bơcri mờ atbồ broă bơcri priă; sồr 2 gah crơng gơs mpồl tàm cribơyai sùm đah ală anih lơh broă geh gơnoar, ngan là broă cribơyai mờng chài ngan ngồn tàm ală Tổng Kông ty, Tập đoàn dà lơgar bơh lơgar Việt Nam dê rơp dong lơh gơlik bơta sền sơ wì tơl làm, niam ngan nàng sac rơ wah, ngui dipal mờ bơta geh ngan bơh lơgar Lào dê. Phó Thủ tướng Lào ồng Saleumxay Kommasith đơs sùm, tàm tŭ tơngai bơt bơtàu rài lơh sa lơngăp lơngai is, lơh tờm, lơgar Lào sùm lơh broă bal jơh nùs mờ kơp kờñ bơsram, đòm jat ală mờng chài kuơmàng bơh lơgar Việt Nam, kuơmàng là tàm gah atbồ mờ bơtàu tơnguh mpồl lơh sa kă bro dà lơgar, broă lơh đơng pơlam pa, wèt tus bơt bơtàu rài lơh sa Lào lơh broă geh cồng nha, kơ̆ kơljap jŏ jòng sùm.