Tàm dar pơrjum, ală ƀộ, gah broă lơh dà lơgar đơs nền bơta lơh ngan pơgồp bal jơh nùs mờ Cíñ phủ tàm broă đơng lam lơh sa dờng nam 2026 mờ tŭ tơngai pơn jat tai. Lam lơh jat Jơnau lơh nền tàm pơrjum sồ 01, sồ 02 bơh Cíñ phủ dê, ală ƀộ neh ai lơh jat broă lam lơh mờ jơnau kờñ lơh geh pơnđơl uă rlau mờ broă geh jàu, jàu kơnòl mùl màl ai tơl nă kwang đơng lam mpồl lơh broă in.

Đơs pơn dut, Thủ tướng đơs sùm jơnau sồr lơh pa ală jơnau gơn kơnờm gơguh lơh sa ờs mờng, mờ kung lơh geh bơta gơn kơnờm gơguh lơh sa pa mờ nùs nhơm khin sơnơng, khin lơh, khin kong kơnòl. Thủ tướng sồr lam lơh jat Jơnau lơh nền tàm pơrjum dờng dơ̆ XIV bơh Đảng dê bơh bồ nam 2026 do tơn, lam lơh tềm pềr 10% priă tă ngui dơ̆ sùm, 5% bơcri bơtàu tơnguh nàng ai priă jền ai gùng rơndeh ồs Lào Cai – Hà Nội – Hải Phòng in, mờ kung ai lài tơnguh priă ai gah ling klàng in, bơcri priă bơtàu tơnguh mờ gàr lơngăp lơngai rài kis mpồl bơtiàn dê in.