Mang ngai 12/3, tàm Hìu lơh broă Cíñ phủ, geh bơyai lơh Dơ̆ yal Jơnau lơh nền bơh Thủ tướng Cíñ phủ dê bè broă lơh kwang bàng.

 Jàu Jơnau lơh nền mờ pà bơkào, Thủ tướng ồng Phạm Minh Chính gờm chờ ồng Trần Hồng Thái geh Đảng, Dà lơgar pin dờn jàu at gơnoar broă dờng màng lam bồ Viện Hàn lâm Jak chài măi mok Việt Nam- anih tờm kơlôi sơnơng jak chài- măi mok uă gah, uă broă lam lài, geh gơnoar “tờm” tàm ală anih lơh broă jak chài dà lơgar dê. Thủ tướng đơs nền broă Đảng, Dà lơgar jàu at gơnoar broă dờng màng Củ tịc Viện Hàn lâm Jak chài măi mok Việt Nam tơngŏ bơta pin dờn tàm bơta kơ̆p kơnờm dờng ngan bơh Đảng, Dà lơgar dê gơwèt mờ să tờm ồng Trần Hồng Thái kung bè gơwèt mờ bơta bơtàu tơnguh bơh Viện Hàn lâm Jak chài măi mok Việt Nam tàm rài pa.

Đơs dờp at kơnòl broă, ồng Trần Hồng Thái hơ rơ̆p tam klăc bal, ring bal, jat nền kơnòl broă bơh Thủ tướng Cíñ phủ dê jàu, hời rơ hời bơtàu tơnguh gơnoar broă, kơnòl broă bơh Viện Hà lâm Jak chài măi mok Việt Nam; pơn jat tai lơh jat ală Jơnau lơh nền tàm pơrjum bơh Ƀộ Cíñ trị, Jơnau lơh nền tàm pơrjum mìng dùl tơngume bơh Cíñ phủ, bơh hơ̆ tă pơgồp jơh nùs ngan tàm jơnau kờñ gơguh lơh sa 2 nơm khà sồ bơh dà lơgar dê tàm tơngai tus.