Tàm dơ̆ wă, Thủ tướng ồng Phạm Minh Chính tơngŏ bơta sền gròi uă ngan mờ tam pà bal ală bơta tàm tiah Vịñ tŭ do dê; kơ̆p kờñ bal mờ lơgar Qatar pơgồp bơnah jòi broă lơh ring lơngai, kơ̆ kơl jăp ai tiah Trung Đông in. Thủ tướng pà gĭt neh geh dơ̆ cribơyai tàm điện thọai mờ Thủ tướng, Ƀộ trưởng Ƀộ cribơyai broă mờ lơgar ndai lơgar Qatar dê, Việt Nam tam pà bal mờ ală lơgar tiah Vịñ, dùl nùs bal Jơnau lơh nền tàm pơrjum bơh Liên hợp quôk dê sồr tơn jơh dơ̆ sò tơm tàm ală lơgar; sồr ờ gŏ di sò tơm tàm ală tiah làng bol ơm kis.

Thủ tướng tơngŏ nùs nhơm Việt Nam là lơgar kong tam lơh jŏ jòng, gơtìp kơryan ờ ai, den tàng gĭt loh ngan bơta kwơ bơh ring lơngai dê; kơ̆p kờñ ală gah jòi geh broă lơh ring lơngai, tơn jơh tam lơh. Thủ tướng ồng Phạm Minh Chính kơ̆p kờñ tơn jơh tam lơh nàng ală hìu măi tàm Qatar in gờñ mut lơh broă, lơh gơlik phan tam lơh. Đơs sùm kờñ jòi broă lơh bơsong bơta do, Thủ tướng kơ̆p kờñ Qatar mờ mờng chài rơ̆ ru, bơta pràn jak bơh he dê, dong kờl, bơcri priă lơh tàm lơgar Việt Nam ală anih ơn prap phan tam lơh drơng lơh hìu măi ñiệt điện nhơm kung bè pà nhơm ai tiah do in.