Đơs pơn dut dar pơrjum, Thủ tướng ồng Phạm Minh Chính đơs niam bơta lơh broă jơh nùs bơh ală ƀộ, gah broă lơh dà lơgar, cau tàm Jơnum lơh broă gàr tơl năng lượng dê neh tơrgùm ală broă lơh nàng kờñ gàr kơ̆ drà xăng zờu.

Đơs là, broă tàm dunia gơlik geh kal ke, Thủ tướng đơs sùm jơnau kờñ là ờ lời gơlik geh ờ tơl năng lượng ai lơh gơlik phan, kă bro, ngui sa bơh làng bol dê in; ờ lời gơtìp koh gơl mpồl lơh gơlik, tac xăng zờu, phan ngui nàng mòn; gàr kơ̆ kơljap cíñ trị, rơndap tap sèng lơngăp lơngai mpồl bơtiàn, kơryan bơta sơmờm gùng dà broă lơh, ờ lơh aniai tus bơta geh ngan, lơh gơ rềng tus rơndap tap sèng lơngăp lơngai mpồl bơtiàn. Thủ tướng ồng Phạm Minh Chính đơs là, do là tŭ niam nàng rơndap tap sèng wơl lơh sa kă bro, tac năng lượng gùt plai ù, gơ dờp mờ bơta geh ngan, tŭ tơngai pa; sồr sơlơ ơn prap xăng zờu, năng lượng; jòi li la drà kă bro, li la mpồl tac phan, ờ gơ wèt năng lượng tàm 1 lơgar lơi.