Dơ̆ pơrjum tơrgùm sền sơwì broă lơh lơh broă lam lơh Jơnau đơs pơndŭt sồ 18 bè bơtàu tơnguh lơh sa- mpồl bơtiàn, priă jền dà lơgar, bal mờ tŭ tơngai tă bơsong kòl yan tàm ală rơndăp broă lơh gam gơ kòl. Đơs sùm do là dơ̆ pơrjum sơn rờp tơnơ̆ tŭ pồ tơl kwang bàng Cíñ phủ tơngai lơh broă bơh nam 2026–2031, Thủ tướng ồng Lê Minh Hưng sồr ală kwang bàng mhar lơh mơ tàm broă lơh tàm tơngai uă kơnòl broă gơ jal ngan mơkung jŏ jòng. Bơh kờp sền, tŭ do gùt lơgar gam pơgăp 1 rơbô 500 rơndăp broă lơh gơtìp kal ke, kòl yan.

Thủ tướng jàu Cơldŭ lơh broă Cíñ phủ mờ Ƀộ Priă jền in đơng lam, pơgồp bal mờ ală bộ, gah broă, ală tiah, bơh bơta đơng lam bơh Phó Thủ tướng ồng  Nguyễn Văn Thắng, lơh sir jơnau yal yal mờ kấp geh gơnoar, mơkung sồr đơs pờ ơnàng broă bơsong nàng kờñ bơsong priă jền, pleh pơhì pơhà jơtài phan bơna Dà lơgar, mpồl lơh sa kă bro mờ làng bol dê.