Dơ̆ tus còp mùl màl lơgar Nga dơ̆ do bơh Thủ tướng ồng Phạm Minh Chính dê geh kwơ màng ngan nàng tơnguh bơta git gơ̆p đah bàr lơgar, mờ tơnguh rơlao tai bơta niam lơh broă bal mờ ală lơgar nàng kờñ bal mờ broă bơtàu tơnguh lơgar Việt Nam dê tàm tơngai tus.

Broă tờm kwơmàng bơh dơ̆ tus còp là tơnguh bơta git gơ̆p đah lơgar Việt Nam mờ lơgar Nga, tàm hơ̆ uă ngan là bơta git gơ̆p cíñ trị, rề ơnàng rơlao tai broă lơh bal đah bàr lơgar Việt Nam mờ Nga tàm ală gah lơh sa, kă bro phan, tàm hơ̆ uă ngan là bè bơcri priă, năng lượng mờ nhơm jờu… Geh lơh tàm bơta dunia gam kong mờ dơ̆ tung lơtang năng lượng uă ngan, dơ̆ tus còp bơh Thủ tướng ồng Phạm Minh Chính rơ̆p pờ geh uă pơlam gùng dờng tàm lơh broă bal đah bàr lơgar dê. Bàr gah kờp dŭ geh kĭ ală Jơnau hơ bal kwơ màng. Jăt mờ hơ̆, lơgar Nga là lơgar lơh broă bal kwơ màng nàng gàr tơl năng lượng lơgar Việt Nam in.