Jơnau yal tàm dar pơrjum, ala măt Ƀộ Broă lơh sa suơn sre mờ Tiah ơm kis pà git, tàm poh lài neh tơlik broă rơndăp sền, bơyai lơh ai ală mpồl lơh broă tàm ală càr ƀòn dờng; lài ngan gŏ, lơh niam wơl ờ uă pang sră “tơn jơh ờ lơh glài” ờ tơl niam adăt boh lam, sồr sền wơl, bơsong di jăt mờ jơnau geh ai. Bè atbồ mpồl ơhò: 100% ơhò lơh ka (rơlao 80 rơbô nơm ơhò) neh geh dan cih măt, sền gròi lơh broă bơh tàm anih ơhò ơm.

Broă yal tơngit, mblàng yal bè broă lơh ngan kơryan tras kŭp ka IUU lơgar Việt Nam dê pơn jăt tai geh lơh pràn. Jơnau đơs pơn dŭt pơrjum, Thủ tướng jờng rơ broă lơh ngan bơh ală Ƀộ, gah lơh broă dà lơgar, ală càr ƀòn dờng neh lơh pràn lơh jăt sùm, lơh sùm mờ bơtàu tơnguh gah lơh phan tàm dà kơl jăp, mờ tam dră mờ broă lơh IUU. Thủ tướng pà git, kờp dŭ Mpồl Lùp sền bơh Anih duh broă câu Âu (EC) rơ̆p lơh broă tàm lơgar Việt Nam tàm nhai 3 do, do là dơ̆ lòt sền, lùp sền dơ̆ 5. Thủ tướng đơs nền: Jơnau kờñ uă ngan là gàr niam broă bơtàu tơnguh kơl jăp gah lơh phan tàm dà lơgar Việt Nam dê jăt broă bơtàu tơnguh bal gơguh lơh sa bàr sồ, mờ pal tă sơrbì sră rơmit IUU jăt jơnau bơto sồr bơh EC dê. Do là broă bơtàu tơnguh mhar kơl jăp bơh dà lơgar dê, mờ là jơnau pơnyờ să bơh dà lơgar, bơh jơi bơtiàn dê, mờ là drơng bơta kwơ di mờ adăt boh lam bơh làng bol in tai.