Tàm rơndăp broă lơh Ƀlàng rơndeh par ală lơgar Phú Quốc, Thủ tướng đơs sùm do là broă lơh tờm kwơ màng dà lơgar dê, sồr ală mpồl lơh broă jat nền tŭ tơngai mut lơh, gàr niam kơnhăp kơ̆, lơngăp lơngai mờ niam. Mờ nùs nhơm “ờ hoàc huơr 1 ngai,  ờ lơyài 1 poh, ờ lời roh tŭ tơngai 1 nhai”, Thủ tướng sồr lơh mhar mut lơh broă, hòi jà tơrgùm bal uă ngan rlau jơh priă jền jat gùng dà broă lơh “ntoăt jài săp sèng jài”.

Di dơ̆ do, Thủ tướng tus bal dơ̆ sơnđờm mut lơh 2 rơndăp broă lơh Tiah drà tàm bơrlŭ bal Bãi Đất Đỏ mờ Tiah drà tàm bơrlŭ bal lòt nhơl brê bơnơm Núi Ông Quán, kờp dŭ bơtơl 12 rơbô cơldŭ ơm rlô, hìu ơm drơng broă mờ phan bơna bơt bơtàu kă bro phan, pơgồp bơnah gàr niam bơta ơm ing drơng broă niam ngan rlau jơh Pơrjum APEC 2027 in.