Thủ tướng sồr Ƀộ Bơt bơtàu, Kông ty Dờng  ƀlàng rơndeh par Việt Nam mờ ală mpồl geh gơ rềng sền sơ wì jơh tơngai hơ pơrgon, sơlơ tơnguh tai cau lơh broă, phan bơna, măi mok lam lơh “3 dar, 4 dơ̆” nàng gàr lơh gơtùi jơnau kờñ ai tơlik. 

Cih dờp bơta lơh ngan bơh ală cau tờm lơh rơndap broă dê tàm tŭ tơngai kal ke bè phan bơt bơtàu, Thủ tướng đơs sùm do là broă lơh dờng bơh dà lơgar dê, kờñ pal pơn jat tai tơnguh bơta niam mờ cồng nha ngui. Thủ tướng jờng rơ broă lơh sir Anih tờm đơng lam par; gùng mù, par mờ ƀlàng ơm; hìu ga nac ơm kơp. Bal mờ sồr sền sơ wì bơta gơ rềng tus phan bơt bơtàu, xăng zờu, Thủ tướng kung sồr ală ƀộ, gah broă lơh dà lơgar geh gơ rềng ală rơndap broă lơh dềt, pơn jat tai lam lơh Rơndap broă dềt sồ 3 Ƀlàng rơndeh par ală lơgar Long Thành.