Ngai 17/12, tàm hìu lơh broă Cíñ phủ, Thủ tướng ồng Phạm Minh Chính đơng lam pơrjum sền sơ wì cồng nha lam lơh “Broă lơh Quang Trung” dong kờl làng bol bơsong jơnau gơ lời wơl tài bơh mìu dờng dà tih dà lìu, geh tàm tơrbŏ tơn tàm internet tus ală càr, ƀòn dờng bơh Hà Tĩnh tus Lâm Đồng. Bơh kờp sền, khà hìu pal lơh pa pơn jat tai gơguh, tŭ do neh geh 1 rơbô 622 nơm hìu sơnđờm mut lơh, gơguh 651 nơm hìu pơndrờm mờ jơnau yal lài hơ̆ dê.

Jờng rơ ală tiah bè Dăk Lăk, Gia Lai, Đà Nẵng jơh nùs lam lơh tàm tơngai pa do, Thủ tướng đơs sùm nùs nhơm “Broă lơh Quang Trung” ờ geh ntas phàu mơya pal ai geh cồng nha wil tơl, lơh geh bơta pin dờn ai làng bol in gờñ bè ờs wơl rài kis. Jơnau kờñ geh ai là lơh sir jơh hìu lơh niam wơl lài mờ ngai 31/12/2025 lơh sir hìu lơh pa lài mờ ngai 31/1/2026. Thủ tướng sồr ală tiah, ngan là Gia Lai mờ Dăk Lăk, pơn jat tai mut lơh bal kràñ cê jơh nùs rlau tai; mơkung jàu Ƀộ Kwang àng, Ƀộ Ling klàng, Đoàn Ơruh pơnu in dong kờl mpồl cau lơh broă, lơh jat niam nùs nhơm tàm dong tàm kờl bal tàm làng bol nàng làng bol in gờñ “lơngăp lơngai tiah ơm kis iang nùs lơh broă sa”.