Mho ngai 25/12, tàm Hìu lơh broă Cíñ phủ, Thủ tướng ồng Phạm Minh Chính tus bal Pơrjum jơh gùt lơgar tơn jơh 20 nam lơh jat Jơnau lơh nền tàm pơrjum sồ 36 bơh Ƀộ Cíñ trị dê mờ ală sră nggal đơng lam geh gơrềng tus broă lơh cau Việt Nam kis tàm lơgar ndai. Pơrjum đơs nền mpồl bơtiàn cau Việt Nam kis tàm lơgar ndai là mpồl ờ gơtùi tam cah is bơh jơi bơtiàn dê, là bơta pràn kwơ màng tă pơgồp tàm bơta bơtàu tơnguh bơh Dà lơgar dê. Tơnơ̆ 20 nam lam lơh Jơnau lơh nền tàm pơrjum, mpồl bơtiàn neh bơtàu tơnguh jơh bal bè khà mờ cồng nha, bơh 2 tơlak 700 rơbô nă nam 2004 gơguh tus 6 tơlak 500 rơbô nă tàm rlau 130 Dà lơgar mờ tiah kơnhoàl ù tiah, tàm hơ̆ pơgăp 80% ơm kis tàm ală lơgar bơtàu tơnguh, geh gơnoar broă ngai sơlơ geh đơs nền.

 Đơs đơng lam tàm pơrjum, Thủ tướng ồng Phạm Minh Chính sồr pơn jat tai lơh sir broă lơh, lơh geh ală bơta nàng làng bol kis tàm lơgar ndai in tus bal jrô ơnàng làm uă tàm rài kis lơh sa- mpồl bơtiàn, lơh jat niam bồ tơngoh kơlôi sơnơng, sơlơ tơnguh tai tàm tơrbŏ bal mờ lơh ală jơnau yal bè mpồl bơtiàn cau Việt Nam kis tàm lơgar ndai.