Tàm dơ̆ tìp mat cribơyai, Củ tịc Đuma Dà lơgar Nga đơs ngan, crăp rơcang pơgồp bal mờ đah Việt Nam, lơh jat ală jơnau ring bal kâp dờng, lam bơta git gơp Lơh broă bal jŏ jòng tơl làm Việt Nam – Nga ngai sơlơ bơtàu tơnguh tàm jơh ală bơta, ngan ngồn mờ geh cồng nha.

Tàm dơ̆ tàm tìp, 2 gah đơs nền, tơngai lài bơta git gơp đah 2 Quôk hội bơtàu tơnguh niam ngan; Quôk hội 2 lơgar neh pơgồp bal jơh nùs, lơh broă bal geh cồng nha tàm jơh bal tơngume lơh broă bal 2 gah mờ uă gah, lam lơh jat geh cồng nha ală gùng dà lơh broă bal gam geh đah 2 lơgar, is ồn là bơyai lơh tàm pơdar ală dar pơrjum bơh Anih duh broă Lơh broă bal 2 Nghị viện. Bàr gah pin dờn là, Quôk hội 2 gah rơp pơn jat tai lơh gơlik bơta ƀuơn nàng lơh jat ală jơnau ring bal đah đơng lam kâp dờng 2 lơgar; pin dờn ală anih lơh broă crơng gơs adat boh lam 2 lơgar tàm tơngai lơh broă pa rơp sùm lòt bal mờ anih lơh broă 2 lơgar tă pơgồp ngan ngồn tàm broă tơnguh gơnoar broă git gơp Việt Nam – Nga tàm rài lơh broă bal pa.