Chờ hờp geh tìp làng bol mpồl bơtiàn tàm dơ̆ tus còp mùl màl lơgar Nga, Thủ tướng pà git bŭ lah tus lơgar Nga uă dơ̆, mơya pah dơ̆ geh tìp mờ boh bơr mờ làng bol ndrờm ngoh rơngăc ngan tềng đăp “nùs nhơm jơi bơtiàn - nùs nhơm làng bol” bơh mpồl bơtiàn tàm lơgar Nga - do là dùl mpồl bơtiàn tam klăc bal, tơriang tơriồng, lơh geh cồng nha mờ geh nùs nhơm niam wèt tus ƀòn lơgar, dà lơgar.

Thủ tướng kơ̆p kờñ mpồl bơtiàn cau lơgar Việt Nam tàm lơgar Nga ngai sơlơ tam klăc bal, kơl jăp, geh bơngă kơl jăp tàm mpồl bơtiàn lơgar do dê; gơs cau tơrbŏ bal nền nòn ai bơta git gơ̆p đah bàr lơgar in; kơ̆p kờñ mpồl bơtiàn pơn jăt tai lơh jăt niam adăt boh lam lơgar do dê, bơsram, lơh broă tơriang tơrồng, lơh ngan bơsram ală jơnau ngăc ngar, git lơh, măi mok, broă lơh mờng chài tàm broă atbồ lơgar bơyô dê, tơnguh broă tơrbŏ bal, lơh pràn bơcri priă, geh uă broă lơh mùl màl rơlao tai wèt tus Dà lơgar dê. Thủ tướng sồr Kwang atbồ Anih ala măt lơgar Việt Nam tàm lơgar Nga lơh niam rơlao tai broă dong kờl làng bol, drơng gàr ai làng bol lơgar Việt Nam kis ngài dà lơgar in.