Pơrjum WEF Davos dơ̆ do là dùl broă lơh kwơ màng ngan nàng ală kwang đơng lam cíñ trị mờ kă bro tàm dunia bal mờ ala măt ală mpồl lơh broă mpồl bơtiàn tìp măt nàng cri bơyai bè broă gơrềng bơh mpồl bơtiàn ngăc ngar. Jăt mờ hơ̆, tàm pơrjum ală kwang bàng tơrgùm cri bơyai tàm ală broă gơrềng bơh bơta ngăc ngar kòn bơnus lơh gơs gơwèt mờ gơguh lơh sa, broă bơtàu tơnguh bơh lơh sa mờ măi mok, bơ̆t bơtàu cau lơh broă mờ tơnguh uă bơta pràn bơh cau lơh broă dê tàm ală hìu măi mờ mpồl lơh sa kă bro, kung bè lơh geh wơl nùs nhơm pin dờn tàm mpồl bơtiàn ală lơgar dê.

Tàm dơ̆ lòt lơh broă do, Thủ tướng ồng Phạm Minh Chính rơ̆p geh dơ̆ tìp bal mờ Kwang atbồ lơgar Thụy Sĩ nàng cri bơyai bè ală gùng dà broă lơh nàng tơnguh bơta git gơ̆p bal đah bàr lơgar dê mờ tơnguh bơta git gơ̆p tam klăc bal đah bàr lơgar dê, mờ tìp bal ală kwang bàng, kwang đơng lam ală lơgar, ală mpồl lơh broă bơh ală lơgar, mpồl lơh sa kă bro, ală mpồl bơcri priă dờng tàm dunia.