Bàr gah đơs niam ală cồng nha niam tơnơ̆ mờ 10 nam kĭ hơ ring bal mờ lơh jăt Kơrnoăt Kă bro phan khăt gơboh đah lơgar Việt Nam mờ Mpồl duh broă Anih duh broă Lơh sa câu Á mờ cau Âu dê, pơgồp bal tàm broă lơh pràn gơguh kă bro phan, rề ơnàng drà kă bro mờ ai geh bơnàng jăt broă lơh broă bal bơcri priă in.

Thủ tướng đơs nền, pal pơn jăt tai lơh geh cồng nha rơlao kơrnoăt hơ bal, lơh pràn bơta git gơ̆p đah lơgar Việt Nam mờ Mpồl duh broă Anih duh broă Lơh sa câu Á mờ cau Âu mờ ală broă lơh, rơndăp broă lơh lơh broă bal mùl màl; pờ mpồng drà kă bro pràn kơl dang rơlao, tơnguh ală bơta pràn bơtơl bal. Thủ tướng sồr ală lơgar tàm mpồl EAEU pơn jăt tai lơh geh cồng nha ală kơrnoăt lơh broă bal, di tŭ bơsong kal ke gơkòl bơta chài; rềng ơnàng broă blơi phan geh lơh bơh tàm broă lơh sa suơn sre, phan tàm dà, điện tử mờ phan geh bơta kwơ lơgar Việt Nam dê. Bàr đah ring bal lơh pràn lơh broă bal tàm nùs nhơm tam klăc bal, tam pà bal bơta kwơ ndrờm bal, rềs àr dờp bal, wèt tus bơtàu tơnguh kơl jăp, ring niam mờ jŏ jòng.