Tàm dơ̆ wă, đơs nền nùs nhơm lơh bơyô ờs mờng mờ gùng dà broă lơh lài kung bè tơnơ̆ bơh Đảng, Dà lơgar, Cíñ phủ lơgar Việt Nam dê tàm broă ai lài git gơ̆p lơh bơyô bal, lơh broă bal mờ lơgar Lo, Thủ tướng Cíñ phủ ồng Phạm Minh Chính kơ̆p kờñ bàr lơgar pơn jăt tai tơnguh broă tam klăc bal, tơnguh nùs nhơm pin dờn, lơh pràn lơh broă bal tơl ală bơta, dong kờl bal bơtàu tonguh.

Bè lơh broă bal tàm tơngai tus, Thủ tướng Cíñ phủ ồng Phạm Minh Chính sồr bàr gah lơh ngan lơh pràn kă bro phan đah bàr lơgar jăt gùng dà broă lơh ndrờm bal, niam, kơl jăp, pờ mpồng uă ngan ai phan geh lơh bơh broă lơh sa suơn sre phan tàm dà mờ ròng phan bơh lơgar Việt Nam dê, lơh geh bơta pràn bè tơrbŏ bal phan bơna kwơ màng, ai lài uă ai broă lơh broă bal gùng rơndeh ồs nàng tơrbŏ 2 lơgar mờ tiah đah Jum măt tơngai lik câu Á, Tiah tàm gùl câu Á, câu Âu; lơh pràn rơlao tai lơh broă bal bè năng lượng, priă jền, anih priă jền; tơnguh lơh broă bal gah niam chài, lòt nhơl, ai geh bơta ƀuơn bè lik mŭt ai cau năc đah bàr gah in.