Yal bè ală jơnau kờñ mờ ală broă lơh bơsong broă bơtàu tơnguh bơh lơgar Việt Nam dê tàm rài pa, Thủ tướng kơp kờñ lơgar Ñờk đơs bal mờ gơnoar atbồ càr Tochigi, kung bè Kwang atbồ càr là ồng Fukuda pơn jat tai dong kờl, lơh broă bal mờ Việt Nam. 

Thủ tướng sồr càr Tochigi pơn jat tai sền gròi, pơn jờng, sồr ală mpồl lơh sa kă bro rề ơnàng bơcri priă tàm lơgar Việt Nam tàm ală gah mờ càr geh bơta pràn; sơlơ tơnguh tai lơh broă bal, bơto bơtê cau lơh broă; lơh gơlik bơta ƀuơn mờ pơn jat tai geh uă broă lơh dong kờl ngan ngồn ai mpồl bơtiàn 9 rbô nă cau Việt Nam ơm kis, bơsram mờ lơh broă tàm càr.