Tềng đăp bơta kơn jơ̆ tàm qúy 4 dờng ngan, jơnau sồr jơh anih lơh broă jơh nùs lơh ngan tam gơl pràn tàm tơngai “gơ jal ngan”, Thủ tướng đơs loh, nàng lơh geh jơnau kờñ gơguh tai 2 nơm khà, GDP quý 4 pal gơguh rlau 12,5%, sồr ală Bộ, gah, ală tiah lơh ngan tàm khà uă ngan rlau jơh.

Thủ tướng sồr sền gĭt ngan ngồn tiah, bơta gơn kơnờm gơguh tai gam wơl; tă bơsong jơh ală bơta gơ kòl, lơh sir kơrnoat boh lam, adat boh lam mờ bơsong jơh ală rơndăp broă lơh gam gơ kòl nàng tơrgùm jơh bơta pràn ai bơtàu tơnguh in. Bal mờ hơ̆, pal tơrgùm jơh bơta pràn ai 100% broă rơndăp lơh bơcri priă dà lơgar nam 2026, ai ală broă lơh bơt bơtàu tờm lơh sir di mờ tơngai pơrgon. Ală tiah lơh sa dờng pal pơn đơl pràn lơh ngan uă ngan rlau tai, ngui bơta pràn ală bơta gơn kơnờm bơh lơh sa, bơcri priă, ngui sa, tăc phan mờ lơgar ndai mờ bơcri priă dà lơgar. Thủ tướng kung sồr rcang lài ală broă lơh drơng mờ tam gơl giă, gròi sền niam ngan giă xăng zờu, ồs đèng mờ phan ngui sa kờñ pal geh.