Thủ tướng đơs là, tàm dunia lơh geh “Lơh sa trà”- lơh sa gơrềng tus cau dờng sơnam- gam gơ gơs dùl gùng dà bơtàu tơnguh ờ gơtùi pleh klàs bơh jơi bơtiàn kòn bơnus dê. Pah nam dunia geh 58 tơlak nă cau mut tàm mpồl cau dờng sơnam. Tàm Việt Nam, khà gơguh cau dờng sơnam ngai sơlơ mhar. Kờp tus nhai 3 nam 2023 gùt lơgar geh mờr 17 tơlak nă cau dờng sơnam, ngan ngồn do cèng tus bơta lòng, tŭ tơngai niam mờ là bơta gơn kơnờm tam gơl pa broă lơh gơguh lơh sa kơnhăp kơ̆ bơh dà lơgar dê.

Thủ tướng pà gĭt Dà lơgar gam bơt bơtàu Ală jơnau neh lơh nền bơtàu tơnguh “Lơh sa trà” tàm Việt Nam nàng kờñ tơnguh uă broă dong kờl mpồl bơtiàn, bơta niam rài kis cau dờng sơnam dê mờ ngui niam bơta pràn bơh cau dờng sơnam dê tă pơgồp tàm bơtàu tơnguh lơh sa- mpồl bơtiàn. Mờ jơnau sồr tŭ do, Thủ tướng đơs là kờñ pal ring bal bơta gĭt wă nùs nhơm bơh cau dờng sơnam dê ờ gŏ di là bơta kơn jơ̆ ờ mờ là bơta pràn kwơ màng nàng bơtàu tơnguh dà lơgar.