Đơs tàm dar pơrjum, Thủ tướng ồng Phạm Minh Chính pà git, mờr 2 nhai do, Cíñ phủ, Thủ tướng Cíñ phủ bal mờ ală ƀộ, gah broă lơh dà lơgar, càr, ƀòn dờng kềng gah dà lềng neh lam lơh kràñ cê ngan, tơrgùm uă ngan nàng lam lơh nhai lơh broă uă kơryan ờ ai kup phan tàm dà lềng jat jơnau sồr IUU mờ jơnau kờñ “Kràñ cê dră wơl mờ bơta kup phan tàm dà lềng jat IUU, lơh ngan tă sang sră rơmit bơh EC dê gơwèt mờ broă lơh ka lơgar Việt Nam dê tàm nam 2025. 

Thủ tướng sồr tơrgùm cih jơnau yal jat jơnau sồr bơh EC dê, dilah jơnau yal ờ hềt gơtùi den pal sền wơl, geh anih mùl màl, jàu kơnòl loh làng. Đơs loh ală broă ai tơlik lơh jŏ kàr lơi, cau lơi lơh, lơh bè lơi, tơlik jơnau kờñ tus lồi nam 2025 do pal tă sang sră rơmit IUU. Bal mờ hơ̆, Thủ tướng đơs jơnau kờñ ờ di mìng gơ ơm tàm broă tă sang sră rơmit bơh EC dê mờ kuơmàng rlau tai là bơtàu tơnguh kơnhăp jŏ bơh gah lơh phan tàm dà Việt Nam dê; atbồ broă lơh kup phan tàm dà geh kơnòl, geh jòi git anih lơh gơlik, gơtùi sền gàr phan kuơ tàm dà, jơh ală tài muh mat dà lơgar, jơi bơtiàn, tài bơta kuơ bơh làng bol dê.