Tàm pơrjum, ală cau ala măt neh tàm lùp, cribơyai bè ală broă gam gơ tơlik tàm broă lơh hòi jà làng bol, bơ̆t bơtàu kơ̆ kơnhăp “nùs nhơm rơcăng lài tàm làng bol” mờ broă lơh jăt kơnòl broă ling klàng, sền gàr dà lơgar tàm bơta pa. Mpồl ală cau kra ƀòn, lam bồ thôn, lam bồ ƀòn, cau geh bơngă pin dờn, cau duh broă yàng pơnrơ ngan là “cau tờm lơh tam klăc bal” tàm mpồl bơtiàn mờ là mpồl cau lơh kòn gùng kơnhăp kơ̆ ngan đah Đảng, gơnoar ătbồ, mpồl phàu crong mờ làng bol. Đại tướng ồng Nguyễn Trọng Nghĩa kah rơngal mờ jờng rơ ală tă pơgồp is ồn kwơmàng bơh ală kra ƀòn, cau geh bơngă pin dờn, lam bồ thôn, cau duh broă yàng tàm tơngai do.

Đại tướng đơs nền nùs nhơm ờ tŭ lơi tam gơl bơh Đảng, Dà lơgar mờ Mpồl ling klàng dê: làng bol sùm gàr anih tờm kwơmàng, là cau tờm bơh tơl ală gùng dà, broă lơh mờ là anih tờm bơta pràn lơh nền broă lơh tam gơl pa, bơtàu tơngguh dà lơgar. Đại tướng kơ̆p kờñ tàm tơngai tus, ală kra ƀòn, lam bồ thôn, cau geh bơngă pin dờn, cau duh broă yàng pơn jăt tai lơh jăt niam gơnoar broă, lòt bal mờ Mpồl ling klàng mờ gơnoar ătbồ ƀòn lơgar sơm băt tê bal trăng gàr rài kis, bơto bơtê oh kòn, gàr kơnhăp ring lơngai ƀòn lơgar, lơh gơlik geh bơnàng jă kơ̆ kơnhăp ai bơta bơtàu tơngguh kơnhăp jŏ Tây Nguyên dê in.