Đơs tơn jơh dar pơrjum dơ̆ 48, Củ tịc Quôk hội ồng Trần Thanh Mẫn đơs nền, mờ nùs nhơm lơh broă sơrbăc mhar, jơh nùs mờ geh kơnòl uă, Anih duh broă Lơh kơnòl broă sùm Quôk hội dê lơh sir jơh ală tơngume broă lơh Dar pơrjum dơ̆ 48 mờ 17 tơngume cribơyai tơn mờ bàr pe tơngume sền swì mờ sră nggal, rơcăng uă tơngume ai Dơ̆ pơrjum dơ̆ 10 in.

Củ tịc Quôk hội ồng Trần Thanh Mẫn tơngkah, dar pơrjum nhai 09 là dar pơrjum tờm ngan ai jơnau đơs gơ wèt mờ ală tơngume yal dơ̆ pơrjum dơ̆ 10 in mờ uă tơngume bè ai jơnau đơs dơ̆ 2 bè broă rơcăng dơ̆ pơrjum dơ̆ 10; sền swì, ring bal Broă lơh lơh adăt boh lam nam 2026; ai jơnau đơs ală jơnau rơcăng cih jơnau yal tơn jơh tơngai lơh broă Quôk hội dê mờ bơh ală anih lơh broă dà lơgar, broă lơh rơcăng tĕ khà mờ pơgăp 50 rơndăp broă lơh adăt, jơnau lơh nền tàm pơrjum kwơmàng ndai.