Poan nă kwang bàng geh tơn pồ geh: Lê Văn Đông, Đào Thịnh Cường, Trần Thế Kính mờ Nguyễn Đức Bằng. Do là gơnoar broă sền gàr adat boh lam dờng ngan rlau jơh tàm ală  kâp Cau Lah yă mờ sền gàr adat boh lam mờ gah sền swì broă lơh sền gàr adat boh lam dê.

Đơs tàm dơ̆ bơyai lơh, ồng Tô Lâm, Tổng Bí thư, Chủ tịch lơgar nting bơr gờm chờ ală kwang bàng geh tơn pồ, mờ kung đơs sùm do là bơta pơn yờ să dờng ngan mờ kung là kơnòl kơn jơ̆ ngan tềng đap Đảng, Dà lơgar, Làng bol, sơnua boh lam mờ adat boh lam. Ồng Tô Lâm, Tổng Bí thư, Chủ tịch lơgar sồr ală Cau lah yă mờ sền swì broă lơh sền gàr adat boh lam tơnguh bơta niam lam lơh ngan ngồn gơnoar lah yă, sền swì ală broă lơh sền gàr adat boh lam; ai bơta geh cơng tàng, di adat boh lam, ring bal mờ gơ hòi gơ jà bơh tơl jơnau lơh nền dê lơh bơta đo was. Mờ kung pal kràñ cê dră wơl bơta oàn, tìs, lời huĭ cau tìs; ờ lơh gơs tìs lơh glài kup màng ală bơta git gơp broă làng bol, lơh sa, sră pơ àr gơnoar atbồ mờ ờ lời bơta kuơ mpồl, ƀư tê tìs adat boh lam lơh gơ rềng tus broă lơh mờng chài lơh broă.