Dờp jơnau jà bơh Tổng Ƀí thư Mpồl duh broă Đảng Kộng sản Việt Nam ồng Tô Lâm mờ Pơ ùr dê, ngai do (26/01), Tổng Ƀí thư Mpồl duh broă Đảng Làng bol kac màng lơgar Lào, Củ tịc lơgar Lào ồng Thongloun Sisoulith mờ Pơ ùr sơn đờm ală broă lơh còp kâp Dà lơgar tus lơgar Việt Nam, jŏ jòng tus ngai hìng (27/01). 

Broă Tổng Ƀí thư, Củ tịc lơgar Lào rơ wah Việt Nam là lơgar tus rơn rờp tơnơ̆ Pơrjum dờng cau ala mat gùt lơgar dơ̆ XII bơh Đảng Làng bol Kac màng Lào dê ai tơnggŏ loh làng, Lào sùm sền dờng màng mờ ai lài sồ 1 bơta git gơp mờ Việt Nam tàm gùng dà broă lơh mờ lơgar ndai. Dơ̆ lòt còp nàng kờñ nting bơr gờm chờ tơn cồng nha Pơrjum dờng cau ala mat gùt lơgar dơ̆ XIV bơh Đảng Kộng sản Việt Nam dê, mờ kung đơs nền bơta pin dờn cíñ trị niam ngan mờ jơnau hơ pơrgon kuơmàng jŏ jòng đah 2 Đảng, 2 dà lơgar mờ làng bol 2 lơgar tàm tŭ tơngai tus.