Ngai 8/4, tàm Hìu duh broă Củ tịc, geh lơh pơrjum yal jơnau lơh nền bơh Ƀộ Cíñ trị dê pồ Mpồl Duh broă, Mpồl Lơh kơnòl broă sùm, Ƀí thư, Phó Ƀí thư Anih duh broă Đơng lam Đảng Cíñ phủ mờ yal ală jơnau lơh nền pồ kwang bàng Cíñ phủ tơngai lơh broă bơh nam 2026- 2031. Tổng Ƀí thư, Củ tịc lơgar ồng Tô Lâm neh jàu jơnau lơh nền ai Ƀí thư Anih duh broă Đơng lam Đảng Cíñ phủ, Thủ tướng ồng Lê Minh Hưng in bal mờ ală oh mi Duh broă sùm; mơkung jàu jơnau lơh nền pồ Phó Thủ tướng Duh broă sùm ồng Phạm Gia Túc, Đại tướng ồng Phan Văn Giang ăt gơnoar broă Phó Thủ tướng, Ƀộ trưởng Ƀộ Ling klàng, bal mờ ală Phó Thủ tướng mờ Ƀộ trưởng, Lam bồ anih lơh broă ndrờm mờ ƀộ.

Đơs tàm pơrjum, Tổng Ƀí thư, Củ tịc lơgar ồng Tô Lâm đơs loh tơngai lơh broă pa ờ mìng là bơta tàm pơn jăt mờ pal là broă tam gơl kơnă ntùng bơtàu tơngguh uă rlau, cồng nha dŭt ndơl kung pal geh đo was mờ bơta niam rài kis làng bol dê mờ bơngă mờ bơta pin dờn dà lơgar dê. Tổng Ƀí thư, Củ tịc lơgar đơs sùm kơnòl broă kwơmàng khà dùl Cíñ phủ tơngai lơh broă pa dê là bơceh lơh tiah ơm kis bơtàu tơngguh, pờ gơlik ù tiah gơguh tai, lơh gơlik gơn kơnờm gơguh tai pa mờ tơngguh uă pràn jak lam lơh jăt nàng lơh geh jơnau kờñ sồr lơh.