Đơs pơndŭt, Tổng Ƀí thư đơs 6 pơlam gùng dờng nàng Mpồl Sồr lơh mờ ală ƀộ, gah, ƀòn lơgar in pal lơh jăt tàm tơngai tus, tàm hơ̆ pal gĭt nền loh jơnau kờñ bơtàu tơngguh măy mŏk kwơmàng gơ jăt bal mờ broă rơndăp lơh jŏ jòng bơtàu tơngguh dà lơgar, bơta kwơ jŏ jòng bơh dà lơgar dê. Tổng Ƀí thư sồr, tam gơl pa pràn kơldang broă lơh tơrlòng lài lam lơh jăt; gĭt nền loh kơnòl cau lam bồ; mơkung, chồl tơnguh pràn ală mpồl lơh broă tam gơl pa bơceh lơh, dong kờl mpồl lơh sa kă bro sơnđờm mŭt lơh broă tam gơl pa bơceh lơh, mpồl lơh sa kă bro jak chài mờ măy mŏk; lơh gơs ală anih tờm tam gơl pa bơceh lơh tơl pràn, tơl pờ, tơl rơcăng lài nàng tàm tơrbŏ kơlôi sơnơng mờ drà tăc blơi phan.

Bal mờ jơnau sồr, sền swì nền wơl, tam gơl, bơ̆t bơtàu broă lơh bơto cau lơh broă jak chài drơng bơtàu tơngguh măy mŏk kwơmàng, Tổng Ƀí thư đơs sùm, jơh ală anih lơh broă cíñ trị pal lơh broă pràn rlau, kràñ cê jơh nùs rlau, cồng nha rlau. Bơta dà lơgar kờñ tŭ do ờ mìng là jơh nùs jơh tồr cíñ trị, mờ là cồng nha loh làng, là bơta tam gơl ngan ngồn bơh jơh ală anih lơh broă cíñ trị, mpồl bơtiàn mpồl lơh sa kă bro, mpồl ală cau geh bơta gĭt wă, cau jak chài mờ jơh gùt mpồl bơtiàn dê.