Tàm dơ̆ lơh broă, Tổng Ƀí thư đơs loh 6 gùng dà broă lơh dờng, sồr git nền broă rơndap lơh, ơn broă tàm bơta kah yau mờ bồ tơngoh kơlôi sơnơng bơtàu tơnguh jŏ tơngai. Jơnau lơh nền tàm pơrjum pal gơ gơs là jơnau bơceh lơh tơrgùm bal ai broă lơh gơguh lơh sa 2 nơm sồ bơh Việt Nam dê in tus nam 2045, ai tơnggŏ bơta lơh ngan kuơmàng mờ sac rơ wah cèng bơta kah yau nàng kờñ lam lơh ngan ngồn bơta kơp kờñ bơtàu tơnguh dà lơgar. Gơguh lơh sa pal gàr kơnhăp kơ̆, bơta niam, gơ glòm jơh, tơlir mờ lơh tờm is.

Nàng lơh geh jơnau kờñ mhar mờ kơnhăp jŏ, kờñ pal sền gròi uă tus tam gơl kuơmàng bồ tơngoh kơlôi sơnơng bơtàu tơnguh tàm jơh gùt anih lơh broă cíñ trị mờ mpồl bơtiàn; sền do ờ mìng là broă jàu lơh sa mờ là kơnòl broă cíñ trị tờm, jal mhar; sang tĕ nùs nhơm ơm mŏ, bồ tơngoh kơlôi sơnơng tơngai lơh broă, broă lơh is ồn; đòm jat nùs nhơm khin sơnơng, khin lơh, khin kong kơnòl; lơh broă ndrờm bal, jàu kơnòl loh làng, pơgồp bal nền nòn đah dà lơgar, ƀòn lơgar mờ mpồl lơh sa kă bro; ai jak chài măi mok, tam gơl pa bơceh lơh, tam gơl sồ lơh gơn kơnờm tờm bơh broă lơh gơguh lơh sa pa dê.