Tàm pơrjum, Tổng Ƀí thư sồr, ală kwang bàng tàm Mpồl sồr lơh tàm broă lơh jăt broă pal mùl màl bañ lơh gời, rơcang pơgồp bal nền nòn mờ ală anih lơh broă gơrềng bal nàng broă lơh pal ndrờm bal mờ mhar, pleh mờ bơta tàm bơrlŭ bal, lơh kal ke bal, nùs nhơm là Mpồl sồr lơh ờ lơh ala kơnòl bơh ală Ƀộ, gah lơh broă geh gơnoar. Pơgồp jơnau đơs bè gùng dà broă lơh tàm nam 2025, Tổng Ƀí thư ring bal mờ 10 kơnòl tờm mờ 18 kơnòl mùl màl bơh Mpồl sồr lơh dê, sồr pơn jăt tai bơtơl ală kơnòl gơlik geh tàm mùl màl; sồr bơh tàm quý I nam 2025 ală Ƀộ, gah lơh broă geh gơnoar pal bơ̆t bơtàu broă lơh, lơh broă jăt Jơnau lơh nền tàm pơrjùm sồ 57 bơh Ƀộ Cíñ trị dê bè tam gơl pràn bơtàu tơnguh măi mok pa, tam gơl bơceh lơh mờ tam gơl sồ dà lơgar nàng di pal mờ bơta kwơ bơh mpồl lơh sa kă bro bal mờ làng bol dê.