Jat jơnau yal, nam do, kấp ủy ală kấp neh sền sơwì rlau 55 rơbô mpồl Đảng mờ rlau 300 rơbô nă Đảng viên. Bơh lòt sền, đơs pơn dŭt geh rlau 1 rơbô 700 mpồl Đảng mờ rlau 6 rơbô nă Đảng viên geh bơta ờ niam mờ lơh tìs.

Đơs sồr lơh tàm pơrjum, Tổng Ƀí thư ồng Tô Lâm sồr tàm tơngai tus pal pơn jat tai lơh jat dồ ròt bal ală broă lơh rcang lài kơryan lơh tìs mờ bơta ờ niam; jơnau pal jat là geh tìs pal geh jơnau đơs pơndŭt, ờ geh tiah kơryan, ờ geh bơta bơdìh, sơlơ tơnguh tai bơt bơtàu Đảng sàng goh, pràn kơl dang kơ̆ kơl jăp, lơh geh jơnau sồr lơh kơnòl broă tàm bơta pa. Tổng Ƀí thư sồr ală kấp ủy, mpồl Đảng, Anih duh broă sền sơwì ală kấp mhar rơndăp tăp sèng, tơrmù mpồl cau lơh broă anih lơh broă Đảng, Dà lơgar dê đơs bal, tàm hơ̆ geh Anih duh broă Sền sơwì jat di broă rơndăp lơh bơh Mpồl Sồr lơh Dà lơgar dê tơn jơh lơh jat Jơnau lơh nền tàm pơrjum sồ 18 gàr niam bơta dồ ròt bal, ring bal, tơrmù cau lơh broă, pràn, cồng nha lơh broă jat tàm bơta pràn jak, gơtùi lơh broă mờ lơh broă geh cồng nha.