Đơs tàm dar pơrjum dơ̆ 1, Quôk hội khoă XVI, Tổng Ƀí thư ồng Tô Lâm đơs sùm, do là dơ̆ pơrjum pồ tơl mpồl kwang bàng Dà lơgar jat Sơnoa boh lam dê; mơkung là dơ̆ pơrjum tơrgùm lơh gơs adăt boh lam Jơnau lơh nền tàm pơrjum bơh Pơrjum dờng cau ala mat gùt lơgar dơ̆ XIV Đảng dê, lơh geh tơngume adat boh lam, kơrnoat boh lam mờ gơn kơnờm gùng dà broă lơh nàng dà lơgar in cơnđoà mut tàm rài bơtàu tơnguh pa, sồr tơl nă cau ala mat Quôk hội khoă XVI pal sùm gĭt wă jrô ơnàng là he ờ mìng ala mat ai mpồl lơh broă tĕ khà, ờ mìng cèng bal sră đùh pin dờn bơh cau tĕ khà dê lơm, mờ gam àñ ơnòng tàm pơnì kơnòl broă gơwèt mờ lơh kơnòl broă dà lơgar, gơwèt mờ bơta pin dờn bơh làng bol, gơwèt mờ rài tơnơ̆ do bơh ală rơnàng tơnơ̆ do dê.

 Tàm nùs nhơm do, Tổng Ƀí thư sồr, Quôk hội khoă XVI tơrgùm lơh jat gơ in niam ngan 4 kơnòl broă dờng tàm hơ̆ pal tơnguh rlau tai bơta pràn jak lơh ngan adat boh lam, lơh ngan Jơnau lơh nền tàm pơrjum bơh Đảng dê gơ gơs broă lơh mờ adat boh lam; lơh geh tơngume adat boh lam kơ̆ kơnhăp nàng lơh tus geh ală kơnòl broă bơtàu tơnguh lơh sa- mpồl bơtiàn tơngai lơh broă bơh nam 2026–2031 mờ ală nam pơn jat tai. Dùl dơ̆ tai đơs sùm, mờ bơhiàn 80 nam dờng màng bơh Quôk hội Việt Nam dê; bơh bơta đơng lam khin cha, bồ tơngoh jak bơh Đảng dê; mờ bơta dùl nùs bal, kờñ bal bơh làng bol dê; mờ bơta pơgồp bal niam bơh Cíñ phủ mờ jơh bal ală anih lơh broă cíñ trị; Tổng Ƀí thư pin dờn ngan là, Quôk hội khoă XVI ngan ngồn rơ̆p lơh sir jak ngan kơnòl broă mờ Đảng, Dà lơgar mờ Làng bol dê jàu; pơgồp bơnah bal mờ gùt Đảng, gùt làng bol, gùt ling klàng lơh jat ngan ngồn bơta kơ̆p kờñ bơt bơtàu dùl Dà lơgar Việt Nam ring lơngai, lơngăp lơngai is, làng bol lơh tờm, pas pràn, niam jak, chờ hờp, cơnđoà kơ̆ lòt guh củ nghĩa sàh hội.