Tổng Ƀí thư jờng rơ uă kwang bàng bơh Cơldŭ lơh broă dê neh tus bal tơn drơng ală broă lơh kwơ màng tàm dơ̆ Sa tềp bơhiàn dà lơgar pa do, tàm hơ̆ geh dơ̆ lòt lơh broă bơh đơng lam bồ Đảng, Dà lơgar tàm lơgar Mỹ, pơgồp bơnah kwơ màng tàm cồng nha bơh dơ̆ lòt còp dê, pơn jat tai đơs nền gơnoar, broă lơh mờ bơta niam lơh broă tă pơgồp bal jơnau đơs, drơng broă tàm ală broă lơh tàm dơlam is dà lơgar, lơh broă mờ lơgar ndai kấp dờng.

Tàm tơngai tus, Tổng Ƀí thư ồng Tô Lâm sồr Cơldŭ lơh broă Đảng dà lơgar mờ tơl nă kwang bàng, kông cứk sơr băc mhar lơh broă mơ, ờ gŏ di lơh lơyài, ơm ing; gàr niam bơta lơh sùm, lơh niam tàm broă tă pơgồp jơnau đơs, drơng broă Dà lơgar; lơh ngan lơh sir ală broă jàu, jơnau lơh nền tàm pơrjum bơh Pơrjum dờng Đảng gùt lơgar dơ̆ 14, tă pơgồp lơh jat geh cồng nha ală jơnau kờñ kwơ màng bơh Đảng dê.