Ala mat ală kwang đơng lam bồ Đảng. Dà lơgar jàu Gai lòng Hồ Chí Minh pà Mpồl ling pờ gùng in, Tổng Ƀí thư ồng Tô Lâm đơs nền, kah yau bơh Mpồl ling pờ gùng dê là jơnau kah yau bơh ală cơnđùa jơng pờ gùng pha lin dê; là jơnau kah yau bơh bồ tơngoh kơ̆ dơn, nùs nhơm kơ̆ dơn, duh rơngòt adat boh lam mờ nùs nhơm tam lơh ờ cơnđuà ruc, mờ kung nting bơr gờm chờ ală pha lin, cồng nha lơh geh jak ngan bơh Mpồl ling pờ gùng dê.

Tơngai tus nàng lơh gơs niam kơnòl broă “Bol sò tơm lơi kung lơh jai”, Tổng Ƀí thư ồng Tô Lâm sồr, Mpồl ling pờ gùng tơrgùm lam lơh niam 5 kơnòl broă tờm, tàm hơ̆ pal pơn jat tai bơsram uă gùng dà gùng ling, sền gàr dà lơgar bơh Đảng dê; git loh bồ tơngoh kơlôi sơnơng pa bè ling klàng, sền gàr dà lơgar; bơsram nền nòn Jơnau lơh nền tàm pơrjum Đảng dà lơgar dơ̆ 8 khoă XIII, Jơnau lơh nền tàm pơrjum dờng dơ̆ XIV bơh Đảng dê, Jơnau lơh nền tàm pơrjum dờng Đảng ƀộ ling klàng dơ̆ XII mờ ală jơnau lơh nền kuơmàng bơh Anih duh broă Đảng ling klàng dà lơgar, Ƀộ Ling klàng dê.