Mho òr (30/03), tàm Hà Nội, Đảng ủy Cơl dŭ lơh broă Đảng Dà lơgar bơyai lơh dơ̆ jào pà Huân cương Cồng nha lơh geh ling klàng dê mờ Sơlong 45 nam, 40 nam mờ 30 nam Đảng. Ala măt kwang đơng lam Đảng, Dà lơgar, Tổng Ƀí thư ồng Tô Lâm jào Huân cương Cồng nha lơh geh ling klàng dê khà Dùl mờ Jào Sơlong 40 nam Đảng pà ồng Phạm Minh Chính, Kwang geh jơng Ƀộ Cíñ trị khoă XIII, Thủ tướng Cíñ phủ.

Ala măt ală kwang bàng geh dờp Huân cương Cồng nha lơh geh ling klàng dê khà Dùl mờ ală Sơlong Đảng dê, Thủ tướng ồng Phạm Minh Chính tơlik nùs nhơm mờ đơs tŭ pơnyờ să geh mŭt tàm mpồl Đảng, sùm geh tàm să jơnau sơn tơm să kwơ màng bơh cau Đảng viên dê: Dờn song mờ bơta niam chài kăc màng Đảng dê, tài jơnau kờñ krơi is jơi bơtiàn pơgồp bal mờ CNXH, tài hờm ram, gơboh gơbài bơh làng bol dê, tŭ lơi kung rơcang dờp mờ lơh ngan lơh gơs ală kơnòl broă geh Đảng, Dà lơgar bal mờ làng bol pin dờn jào mờ sồr lơh. Mờ pin dờn ngan là, tềng đăp mờ broă đơng lam bơh Đảng mờ sùm là Ƀộ Cíñ trị, Mpồl đơng lam Đảng, lam lài là Tồng Ƀí thư ồng Tô Lâm, dà lơgar rơ̆p bơtàu tơnguh pràn bè ală gah broă, lơh mùl màl jơh cồng nha bàr jơnau kờñ kwơ màng 100 nam, ai dà lơgar kơl jăp mŭt tàm rài pa - rài bơtàu tơnguh pas gơs pràn kơl dang, gơguh jăk, gơboh gơbài, kơl jăp guh CNXH.