Jat Tổng Ƀí thư, mut tàm tŭ tơngai tam gơl pa, ngan là tàm ală nam rềp ndo, Tổng kụk drơng broă – Bơta chài măi mok kung neh lơh gơs jak ngan kơnòl broă tă pơgồp jơnau đơs kuơmàng mờ Anih duh broă đơng lam Đảng Ling klàng dà lơgar, Ƀộ Ling klàng ală broă lơh đơng lam, sồr lơh pồ tơl, tơmut bal, rơndap tap sèng wơl anih lơh broă, mpồl drơng broă – bơta chài măi mok tơrmù lơyah dipal, ndrờm bal, ring bal bơh ƀòn lơgar tus kâp gùt ling klàng bơt bơtàu mờ lam lơh geh cồng nha uă jơnau lơh nền, rơndap broă lơh, ală broă lơh, broă rơndap lơh geh gơtha kuơmàng gàr kơ̆, tơnguh bơta pràn, rơndap lơh mpồl, drơng broă – bơta chài măi mok ling klàng, tơnguh bơta pràn tam lơh, pơgồp bơnah bơt bơtàu ling klàng tơrmù dipal pràn, di jơnau sồr, pa ngan.

Tơngai tus, đơs loh jơnau sồr, pơn jat tai bơt bơtàu ling klàng mờ gah drơng broă – bơta chài măi mok kac màng di jơnau sồr, ngac ngar, jak chài, pa ngan, lơh jat kơnòl broă bơt bơtàu mờ sền gàr kơ̆ dà lơgar tàm bơta pa, Tổng Ƀí thư sồr Tổng kụk drơng broă – Bơta chài măi mok tơrgùm lam lơh niam 5 kơnòl broă tờm hơ̆ là tơrgùm kơlôi sơnơng, bơsram, lam lơh jat ală Jơnau lơh nền tàm pơrjum, jơnau sồr, jơnau đơs pơn dut, jơnau pơlam bơh Dà lơgar, Anih duh broă Đơng lam Đảng Ling klàng Dà lơgar, Ƀộ Ling klàng dê, bơta tờm là Jơnau lơh nền tàm pơrjum dờng dơ̆ 14 bơh Đảng dê, Jơnau lơh nền tàm pơrjum dờng Đảng ƀộ Ling klàng dơ̆ 12, Ală jơnau lơh nền tàm pơrjum kuơmàng bơh Ƀộ Cíñ trị dê pa ai tơlik.