Ala mat ală đơng lam Đảng, Dà lơgar ki ngàm jàu Sơlòng Hồ Chí Minh dơ̆ 2 pà ai Mpồl Tă pơgồp jơnau đơs mờ Dong broă Dà lơgar in, Tổng Ƀí thư ồng Tô Lâm đơs nền, broă lơh tă pơgồp jơnau đơs mờ dong broă geh Đảng mờ Củ tịc Hồ Chí Minh is ồn sền gròi, sền gĭt là gah tờm nàng sền gàr Đảng, sền gàr broă lơh, sền gàr gơnoar mờ bơta kwơ di mờ adat boh lam, di pal bơh Làng bol dê.

Mơkung dờp, tàm tơl tŭ tơngai kah yau, bulah tàm ală bơta bòl glar, kal ke, ală rơnàng kwang bàng gah Tă pơgồp jơnau đơs mờ Dong broă Đảng dê sùm jơh nùs dòn song ngan mờ Đảng, Dà lơgar mờ Làng bol; kơ̆ nùs jat jơnau pal jat, kơ̆ dơn khin cha; tơryang tơryồng, song dơ pă, khin cha tam lơh sền gàr bơta di, kràñ cê jơh nùs dră wơl mờ bơta tìs. Đơs loh, tàm rài bơtàu tơnguh pa, gah Tă pơgồp jơnau đơs mờ Dong broă Đảng pal pơn jat đòm jat niam bơhiàn dờng màng 60 nam do; sùm tam gơl pa bồ tơngoh kơlôi sơnơng, broă lơh mờ lơh broă; tơnguh gơnoar tă pơgồp jơnau đơs kwơ màng; kơ̆ dơn lơh niam gơnoar broă “kŭp gôn” ai Đảng in tàm gah tă pơgồp jơnau đơs mờ dong broă, rcang lài kơryan sa kuề sa kuà, pơhì pơhà mờ bơta ờ niam mờ tam gơl niam sền gàr adat boh lam.