Dơ̆ lơh broă nàng kờñ pơlam lơh jat nùs nhơm Pơrjum dờng dơ̆ XIV bơh Đảng dê, lơh loh gùng dà bơtàu tơnguh dipal mờ càr tiah kơh bơnơm, tiah nhàr lơgar bềng lìu bơhiàn kac màng mờ lam lơh jat ngan ngồn ală broă rơndap lơh bơh Dà lơgar dê gơ gơs kơnòl broă, broă lơh geh cồng nha. Đơs pơn dut dơ̆ lơh broă, Tổng Ƀí thư đơs niam nùs nhơm song dơpă, bơsram, đòm jat bơh càr Cao Bằng dê tŭ sền sơ wì loh làng ală bơta ờ niam bè anih kă bro gam kal ke, GRDP kờp bal dùl nă cau gam lơyah. Tổng Ƀí thư đơs sùm broă khin sền song tàm bơta geh ngan, ờ pleh bơta gơ kòl là bơnàng jă kuơmàng ngan nàng sac rơ wah di gùng lòt, lơh gơlik bơta tam gơl pràn tàm tơngai tus, mờ kung sồr tơnguh pràn jak lam lơh jat, duh rơngòt jơnau pal jat kơnòl broă, bơtàu tơnguh ală gah lơh sa cèng bơta gơn kơnờm bè lơh sa kă bro tiah nhàr lơgar, logistics, lòt nhơl mờ broă lơh sa suơn sre niam is ồn gơ jat bal mờ broă drơng ala.