Đơs tàm dơ̆ tìp mat cau tĕ khà, Tổng Ƀí thư ồng Tô Lâm pà git, ală jơnau sồr kơnòl broă tàm tơngai tus geh: gàr kơ̆ lơngăp lơngai cíñ trị, bơtàu tơnguh mhar, kơnhăp jŏ dà lơgar, pơn jat tai tơnguh niam rài kis làng bol dê; kờñ pal hòi jà bơta pràn  bơh jơh gùt anih lơh broă cíñ trị mờ jơh gùt làng bol dê nàng lam lơh ală kơnòl broă do. 

Bè bàr pe gùng dà, broă rơndap lơh dờng bơh ƀòn dờng Hà Nội dê, Tổng Ƀí thư ồng Tô Lâm sồr tam gơl pa bồ tơngoh kơlôi sơnơng, khin sơnơng – khin lơh – khin kong kơnòl tài bơta kuơ bal. Gơnoar atbồ ƀòn lơgar 2 kâp pal ngan ngồn ngac ngar, geh cồng nha, rềp làng bol – tài làng bol, mờ jơnau hơ pơrgon bè tŭ tơngai mùl màl ai tơl kơnòl broă mờ cau tĕ khà đơs. Tổng Ƀí thư ồng Tô Lâm pin dờn Đảng ƀộ, gơnoar atbồ mờ làng bol càr lơgar rơp pơn jat tai đòm jat bơhiàn rbô nam niam chài, nùs nhơm tam klac bal, bồ tơngoh jak, kơ̆ dơn, lam Hà Nội bơtàu tơnguh pràn kơldang, dipal là tiah tờm dờng ngan bè cíñ trị, lơh sa, niam chài, jak chài, bơto bơsram bơh gùt lơgar dê.