Tàm 04 ngai tàm lơgar Hàn Quốc, Tổng Ƀí thư ồng Tô Lâm neh geh broă lơh broă rơ̆ ru, li la ngan bal mờ ală dơ̆ pơrjum bơyai, tìp măt kâp dờng, lòt tìp, tam tìp mờ ală Kwang đơng lam kâp dờng lơgar Hàn Quốc dê, kwang bàng cíñ trị, mpồl lơh sa, niam chài, cau jak chài, tam tìp mpồl bơtiàn cau Việt Nam tàm lơgar Hàn Quốc mờ ală cau bơyô lơgar Hàn Quốc kờñ gơboh Việt Nam.

Cồng nha dơ̆ lòt còp dơ̆ do, bàr đah neh kĭ hơ 50 sră nggal lơh broă bal đah ală ƀộ, gah, mpồl cau, mpồl lơh sa kă bro mờ ƀòn lơgar bàr lơgar dê bè lơh broă bal tàm ală broă lơh mờ sơlơ lơh broă bal đah ală ƀòn lơgar Việt Nam dê mờ ală mpồl lơh sa kă bro lơgar Hàn Quốc dê. Ală cồng nha kwơmàng lơh geh tàm dơ̆ lòt còp neh gơgơs dùl cồng nha dờng pờ tơlik tăp pa àng sơrdah bơh gĭt gơ̆p Tam klăc lơh broă bal jŏ jòng tơl làm đah bàr lơgar tàm rài pa.