Đơs tàm dơ̆ bơyai lơh, Tổng Ƀí thư đơs nền, Pác Bó – Trường Hà ờ mìng là dùl ù tiah kah yau, mờ gam là rùp pơrya ndu gơn rơh ngan bơh bồ tơngoh kờñ lơngăp lơngai is, nùs nhơm pơnđơl pràn is, brồ guh is mờ kơp kơnờm brồ guh bơh jơi bơtiàn Việt Nam dê. Bè hơ̆ den tàng, broă bơcri priă lơh dùl hìu bơsram ơm sa bic tơn 2 kâp tàm do ai tơnggŏ bơta sền gròi uă ngan bơh Đảng, Dà lơgar dê gơ wèt mờ broă lơh bơto bơtê mờ bơsram, nàng kờñ tam gơl niam broă bơsram sră ai kơnòm bơsram tiah nhàr lơgar dê, tơrmù lơyah bơta yah ngài kơnhoàl ù tiah, pơgồp bơnah lơh kơ̆ broă sền gàr dà lơgar – lơngap lơngai mờ chồl tơnguh bơtàu tơnguh lơh sa mpồl bơtiàn tiah nhàr lơgar. Tổng Ƀí thư pà git, tơngai tus rơp dồ ròt sơn đờm lam lơh, tơnguh mhar tơngai lơh 248 hìu bơsram tàm 248 sàh tiah nhàr lơgar đang ù gờl, mờ tŭ tơngai bơcri priă sơn rờp là lơh 100 hìu bơsram ơm sa bic tơn kâp 1 mờ kâp 2 tàm ală sàh tiah nhàr lơgar nàng lơh gơlik anih bơsram sră wil tơl ai oh kòn làng bol tiah nhàr lơgar in.