Ala mat đơng lam bồ Đảng, Dà lơgar, Tổng Ƀí thư ồng Tô Lâm jờng rơ ală cồng nha lơh geh, broă lơh geh pơn rơ ngan bơh mpồl ling phàu crong Ling tiah 9 dê, mờ Tổng Ƀí thư kung sồr Ling tiah 9 sùm bơsram lơh jat bal jrô ơnàng làm uă bồ tơngoh ling klàng Hồ Chí Minh, gùng dà sền gàr Dà lơgar bơh Đảng dê. 

Tơnguh uă cồng nha tơrgùm bal, bơta pràn tam lơh; bơt bơtàu broă lơh sền gàr Dà lơgar gùt làng bol kơnhăp pràn, pơgồp bal mờ bơta pràn sền gàr Dà lơgar gùt làng bol dê mờ nùs nhơm rcang gàr lài lơngăp lơngai làng bol; tơrgùm bơt bơtàu mpồl ling kăc màng, di pal, nhăp nhar, pa ngan, sền pơlam tàp ngan ngồn, lơh tờm phan tam lơh, rcang lài, crăp rcang tam lơh tàm tơl bơta digơlan gơlik geh. Tổng Ƀí thư kung sồr, mpồl Ling tiah 9 sùm lơh niam broă lơh hòi jà làng bol, sơlơ tơnguh tai bơta tam klăc đềt mềr mờ ling klàng làng bol, bơt bơtàu nùs nhơm rcang gàr lài làng bol kơnhăp kơ̆.